Quqyq qorǵaý qyzmetkerleriniń jemqorlyq áreketteri sońǵy 3 jylda 43% qysqardy – QR ІІM
Bul týraly QazAqparat QR Іshki ister mınıstrliginiń baspasóz qyzmetine silteme jasap habarlaıdy.
Іs-sharanyń maqsaty - Mınıstrliktiń sybaılas jemqorlyqqa qarsy is-qımyl salasyndaǵy Eýropa Keńesiniń standarttaryna sáıkestigin baǵalaý.
Qazaqstan ІІM-niń atynan ІІM Ózindik qaýipsizdik departamentiniń bastyǵy Arman Sadanov, qurylymdyq bólimshelerdiń basshylary men vedomstvo qyzmetkerleri qatysty.
Arman Sadanov sybaılas jemqorlyqqa qarsy kúres salasynda sheteldik áriptester jınaqtaǵan ozyq tájirıbeni qoldanýǵa jáne qabyldaýǵa daıyn ekenin atap ótti: «Halyqaralyq yntymaqtastyq – bul bizdiń jumysymyzdyń negizgi baǵyttarynyń biri. Memleketterdiń ózara is-qımyly sybaılas jemqorlyqqa qarsy biryńǵaı standarttardy belgileýge, azamattardyń, zańdy tulǵalardyń jáne memlekettiń óziniń quqyqtary men zańdy múddelerin tıimdi qorǵaýǵa yqpal etetini sózsiz».
ІІM departamentiniń bastyǵy GREKO sarapshylaryna ishki ister organdarynda sybaılas jemqorlyqqa qarsy normatıvtik quqyqtyq bazany damytý týraly aıtyp berdi.
«Biz sybaılas jemqorlyqtan týyndaıtyn qaterlerdiń jahandyq sıpatyn túsinip, sybaılas jemqorlyqqa qarsy is-qımyldyń barlyq yqtımal sharalaryn qabyldaýdamyz. Nátıjesinde, sońǵy úsh jylda qyzmetkerler jasaǵan sybaılas jemqorlyq qylmystarynyń sany 43%-ǵa, jyl basynan beri qylmystardyń jalpy sany 15%-ǵa, onyń ishinde sybaılas jemqorlyq 8%-ǵa qysqardy», - dedi ol.
Sondaı-aq, sarapshylarǵa qazaqstandyq polıtsııany aýqymdy reformalaý, adam quqyqtary jónindegi halyqaralyq standarttardy zańnamaǵa engizý, sondaı-aq sybaılas jemqorlyqqa qarsy is-qımyl boıynsha júrgizilip jatqan jumystar týraly aqparattar berildi.
Kezdesý barysynda Qazaqstan tarapynyń ókilderi GREKO sarapshylarynyń ishki ister organdarynyń fýnktsııalary men mindetterine, onyń ókilettikteri men baǵynystylyǵyna, polıtseılerdiń kásibı daıarlyǵyna baılanysty suraqtaryna jaýap berdi.
GREKO mamandary Qazaqstan ІІM-niń sybaılas jemqorlyq táýekelderi men kórinisterine qarsy is-qımylǵa, sondaı-aq olarmen kúresý úshin birlesken tıimdi sheshimderdi ázirleýge qosqan úlesin atap ótip, vedomstvo ókilderine usynylǵan aqparat úshin alǵys bildirdi.
Anyqtama: Sybaılas jemqorlyqqa qarsy elder toby 1999 jyly osy uıymǵa kirgen elderde Eýropa Keńesiniń sybaılas jemqorlyqqa qarsy standarttaryn monıtorıngteý úshin qurylǵan. GREKO-nyń mindeti - osy saladaǵy Eýropa Keńesiniń standarttaryn saqtaý monıtorıngi arqyly sybaılas jemqorlyqqa qarsy kúres jónindegi jumysty ulttyq deńgeıde jetildirý.
GREKO quramyna jalpy halqy 1,2 mıllıardqa jýyq Eýropa, Amerıka jáne Azııa memleketteri kiredi.
2020 jylǵy 1 qańtarda Qazaqstan GREKO-ǵa 50-shi múshe memleket boldy. Bıylǵy jyly 7-10 qyrkúıekte Qazaqstan alǵash ret GREKO tarapynan memlekettiń sybaılas jemqorlyqqa qarsy standarttardy saqtaýy boıynsha baǵalaýdan ótti.