Quqyq qorǵaý qyzmetkerleriniń jalaqysy kóteriledi
ASTANA. 19 sáýir. QazAqparat - Aǵymdaǵy jyldyń sońyna deıin attestatsııadan ótken polıtsııa qyzmetkerleriniń jalaqysy kelesi jyldan bastap kóteriledi.
Bul týraly búgin «Azaptaýlarǵa jáne basqa da qatygez, adamgershilikke jatpaıtyn nemese ar-namysty qorlaıtyn is áreketter men jazalaý túrlerine qarsy Qazaqstan Respýblıkasynyń zańnamasyn damytý» taqyrybynda ótken dóńgelek ústel barysynda Zańnama jáne sot-quqyqtyq reforma komıtetiniń tóraǵasy Rahmet Muqashev málim etti.
Depýtattyń aıtýynsha, 8 sáýirdegi Elbasy Jarlyǵyna sáıkes, polıtsııa qyzmetkerleriniń kezekten tys attestatsııasyn aǵymdaǵy jyldyń sońyna deıin ótkizý kózdeledi. Al Májilis maquldaǵan zań jobasynda osy jaǵdaıdyń bári qamtylǵan. «Jalpy attestatsııanyń maqsaty jyl sońyna deıin polıtsııa qyzmetkerleriniń qataryn «tazalaý» bolyp tabylady. Jaǵymsyz minez-qulyqqa ıe, jaman ataǵy shyqqan qyzmetkerler attestatsııa arqyly shettetiledi. Al sondaı «tazartý» jumystarynan soń, kelesi jyldan bastap, quqyq qorǵaý organdary qyzmetkerleriniń laýazymdyq qyzmetaqysy kóteriledi», - deıdi R. Muqashev. Onyń aıtýynsha, quqyq qorǵaý organdary qyzmetkerleriniń jalaqysy ǵana kóterilip qoımaı, olardyń áleýmettik paket mólsheri de arta túsedi.
«ıAǵnı attestatsııalaýdan keıin kásibı jáne basqa da krıterıılerge sáıkes qyzmetke laıyq dep tanylǵandarǵa áleýmettik qoldaýlar da qarastyrylady», - dedi depýtat.
