Quqyq qorǵaý qyzmetkerleri zeınetaqy jınaǵyn paıdalana ala ma

NUR-SULTAN. QazAqparat - Zeınetaqy qoryndaǵy qarjyny jetkilikti jınaǵy barlar ǵana paıdalana alady. Bul týraly Tengri TV-de ótken tikeleı efırde QR Eńbek jáne áleýmettik qorǵaý mınıstrliginiń ókili Vıktorııa Shegaı aıtty, dep habarlaıdy QazAqparat tilshisi.

«Quqyq qorǵaý organynyń qyzmetkerlerdi 2016 jyldan beri tolyq memleket tarapynan qamtamasyz etilip keledi, sol sebepti olardyń zeınetaqy qoryna aqsha aýdarylmaıdy. Olardyń baspanaly bolý máselesi basqa da áleýmettik baǵdarlamada qaralǵan. Al zeınetaqy qoryndaǵy qarjyny jetkilikti jınaǵy barlar ǵana paıdalana alady», - deıdi Vıktorııa Shegaı.

Budan buryn habarlanǵandaı, Birjan Nurymbetov zeınetaqy jınaǵyn paıdalanýǵa qatysty túsinik berip, ony kimder alatynyn aıtqan edi.

Sondaı-aq, Zeınetaqy jınaǵyn alý úshin onda qansha aqsha bolýy kerek ekeni týraly da jazyldy.