Quqyq qorǵaý qyzmeti men sot júıesiniń tıimdiligin arttyrýǵa baılanysty keıbir sharalar týraly QR Úkimetiniń Qaýly jobasy maquldandy
ASTANA. Tamyzdyń 24-i. QazAqparat /Marlan Jıembaı/ - QR Quqyq qorǵaý qyzmeti men sot júıesiniń tıimdiligin arttyrýǵa baılanysty keıbir sharalar týraly QR Úkimetiniń Qaýly jobasy maquldandy. Atalǵan Qaýlyny búgin QR Premer-Mınıstri Kárim Másimovtiń tóraǵalyǵymen ótken selektorlyq keńes barysynda QR Qarjy mınıstri Bolat Jámishev tanystyrdy.
Qaýly jobasynda ІІM-niń kóshi-qon polıtsııasynyń zańsyz kóship kelýge qarsy áreket salasyndaǵy jáne QR aýmaǵynda eńbek qyzmetin júzege asyrý úshin sheteldik jumys kúshin tartýǵa ruqsatnama berý boıynsha ulttyq qaýipsizdik komıtetimen birlesip shetel azamattarynyń kelýine jáne shyǵýyna baqylaý boıynsha «Búrkit» biryńǵaı aqparattyq júıesin ákimshilendirý boıynsha fýnktsııalaryn bere otyryp qurý kózdeledi.
Sondaı-aq, Qarjy mınıstriniń atap ótýinshe, Іshki ister mınıstrliginiń 3 kóliktegi ishki ister departamenti memlekettik mekemelerin Іshki ister mınıstrliginiń 1 kóliktegi ishki ister departamentine biriktire otyryp, qaıta uıymdastyrý kózdeledi.
Sondaı-aq, Іshki ister mınıstrliginde júrgizilgen mynadaı qyzmetterge baılanysty fýnktsııalary men qyzmetterdi: medıtsınalyq aıyqtyrý qyzmetterin densaýlyq saqtaý júıesine, kámiletke tolmaǵandardy ýaqytsha oqshaýlaý, beıimdeý jáne ońaltý ortalyqtarynyń qyzmetterin bilim berý júıesine, memlekettik tehnıkalyq baqylaý júrgizý tártibin aıqyndaý jáne júrgizý kólik jáne kommýnıkatsııa mınıstrligine berý kózdelgen.
B. Jámishevtiń sózine qaraǵanda, sonymen qatar erekshe qorǵalatyn mańyzdy strategııalyq nysandardy qorǵaý fýnktsııalaryn qospaǵandaǵy kúzet qyzmetiniń fýnktsııalary básekelestik ortaǵa berilmek.
