Quqyq buzýshylyqtyń aldyn alý men qylmysqa qarsy kúrestiń 2005-2008 jyldarǵa arnalǵan baǵdarlamasynyń iske asyrylý tıimdiligi tómen dárejede - Esep komıteti
ASTANA. Sáýirdiń 23-i. QazAqparat - Esep komıteti Quqyq buzýshylyqtyń aldyn alý men qylmysqa qarsy kúrestiń 2005-2008 jyldarǵa arnalǵan baǵdarlamasynyń iske asyrylý tıimdiligi tómen dárejede ekendigin atap ótti,
dep habarlady atalǵan vedomstvonyń baspasóz qyzmetinen.
«Baǵdarlamany iske asyrý jónindegi is-sharalar jospary barlyq kózdelgen mindetterdi tolyq sheshýge baǵyttalmaǵany baqylaý barysynda anyqtaldy. Baǵdarlamany iske asyrý jónindegi jospardyń kóptegen is-sharalary qaǵaz júzinde qalyp qoıǵan. Esirtki bıznesine qarsy is-árekettiń tıimdi júıesin arttyrý jónindegi is-sharalar qamtylmaǵan», delingen baspasóz baıanynda.
Respýblıkalyq bıýdjettiń atqarylýyn baqylaý jónindegi esep komıtetiniń habarlaýynsha, Іshki ister mınıstrligi baǵdarlamanyń úılestirýshisi bola turyp, ony oryndaýdyń tıimdi tetigin qurýdy qamtamasyz etpegen, baǵdarlamanyń sharalaryn iske asyrýǵa jergilikti bıýdjetterden bólingen qarjynyń mólsheri, olardyn qalaı ıgerilip jatqany, qol jetken nátıjeler jóninde naqty aqparaty bolmaǵan. Baǵdarlamanyń iske asyrylý barysyna monıtorıngi uıymdastyrylmaǵan. Múddeli memlekettik organdardyń ózara is-qımyldaryn jetildirýge qajetti is-sharalar jetkilikti deńgeıde atqarylmaǵan.
«Іshki ister organdarynyń jumysyn baǵalaý ólshemderin qalyptastyrmaǵan. Jergilikti atqarýshy organdardyń barlyǵy birdeı quqyq buzýshylyqqa beıim balalarmen jumys júrgizý úshin áleýmettik-pedagogıkalyq qyzmetterdi, alkogolızmge, nashaqorlyq pen ýytqorlyqqa dýshar bolǵan adamdardy emdeýge arnalǵan mamandandyrylǵan emdeý-aldyn alý mekemelerin qurý, sondaı-aq ońaltý uıymdarynyń jelisin keńeıtý jóninde qajetti sharalardy qabyldamaǵan. Bas bostandyǵynan aıyrý oryndarynan bosatylǵan adamdardy jumysqa ornalastyrý, ońaltý jáne áleýmettik beıimdeý týraly sharalar jetkilikti dárejede iske asyrylmaǵan», dep naqtylaı túsken baspasóz habarlamasynda.
Ýchaskelik polıtsııa ınspektorlaryn jumysyn jetildirý máseleleri tıisti dárejede sheshilmegen. Ýchaskelik polıtsııa qyzmetkerleriniń materıaldyq-tehnıkalyq qamtylýy tómen deńgeıde. Máselen, (2009 jylǵy 1 qańtardaǵy málimetter boıynsha) baǵdarlamany iske asyrý nátıjesinde ýchaskelik ınspektorlardyń tek 54,7 paıyzy - qyzmettik úı-jaılarmen, 60,7-si - radıobaılanyspen, 28,7-si - qyzmettik avtokólikpen, jáne 50,5 paıyzy ǵana qyzmettik telefonmen qamtamasyz etilgen. Áleýmettik-turmystyq problemalar jetkilikti dárejede sheshilmegen. Qyzmettik úımen 4270 ýchaskelik polıtsııa ınspektory nemese olardyń jalpy sanynyń 59,2 paıyzy, páter telefonymen - 3299 nemese 45,8 paıyzy ǵana qamtamasyz etilgen.
Esep komıteti Úkimetke quqyq buzýshylyqtyq aldyn alý jáne qylmysqa qarsy kúres júesin odan ári jetildirý boıynsha keshendi sharalar qabyldaýǵa usynys berdi.
