Quqyq buzǵan sheteldikter mindetti túrde elden shyǵarylmaq

NUR-SULTAN. QazAqparat - Qazaqstan aýmaǵynda quqyq buzǵan sheteldikterdi mindetti túrde el aýmaǵynan shyǵarý usynylyp otyr.

Bul týraly Ádilet mınıstrliginde Zań jobalaý qyzmeti máseleleri jónindegi vedomstvoaralyq komıssııanyń otyrysynda QR Bas prokýrorynyń orynbasary Bolat Dembaev málim etti, dep habarlaıdy QazAqparat tilshisi.

«Bizde mıgratsııalyq aǵyn óte kóp jáne Qazaqstanǵa keletin sheteldikterdiń qarasy qalyń. Olardyń arasynda quqyq buzýshylyqqa jol bergender jaýapqa tartylyp, aıyppul taǵaıyndalady. Keıinnen olar osy aıyppuldy tólemegeni jáne el aýmaǵynan shyǵarylmaǵany anyqtalady», - dedi B. Dembaev tıisti zań jobasynyń tujyrymdamasyn tanystyrý barysynda.

Sondyqtan qalyptasqan tájirıbeni eskere otyryp, elden tysqary shyǵarý negizgi ári qosymsha jaza retinde bolýy kerek degen sheshim qabyldandy.

«ıAǵnı shetel azamaty quqyq buzýshylyqqa jol berse, ony bizdiń memleketten shyǵaryp jiberý túrindegi mindetti jaza eskerilip otyr», - dep túsindirdi Bas prokýrordyń orynbasary.

Aıta keteıik, búgin komıssııa otyrysynda Qazaqstan Respýblıkasynyń keıbir zańnamalyq aktilerine qylmystyq jáne qylmystyq-protsestik zańnamany jetildirý máseleleri boıynsha ózgerister men tolyqtyrýlar engizý» týraly zań jobasynyń tujyrymdamasy qaraldy. Osy oraıda qylmystyq zańnamany jetildirý aıasynda birqatar jańalyqtar engizilip otyr.