Quqyǵy qorǵalǵan 30 myń jumysshyǵa 3 mlrd-tan astam teńge tólendi - DSÁDM
Jyl basynan bastap memlekettik eńbek ınspektorlary eńbekaqy qaryzy bar kásiporyn basshylaryna 1098 oryndaý týraly mindetti nusqama berip, 92,5 mln. teńgeden astam somaǵa 1008 ákimshilik aıyppul saldy. Qoldanylǵan sharalar nátıjesinde eńbekaqy qaryzynyń kórsetkishi tómendedi. 30,4 myńǵa jýyq jumyskerlerdiń quqyǵy qorǵalyp, olarǵa 3,7 mlrd. teńgeden astam qarjy tólendi.
Jalpy alǵanda, memlekettik eńbek ınspektorlary bir jyldyń ishinde 902 kásiporynnyń 31,4 myń jumyskerlerine 4 mlrd. 86 mln teńge kóleminde eńbekaqy qaryzy bar ekenin anyqtady. Aımaqtyq daǵdarysqa qarsy shtabtyń 21 tamyzdaǵy málimetine sáıkes, respýblıkada 17 jumys berýshiniń 847 jumyskerge jalpy somasy 222,9 mln. teńgeni quraıtyn 3 aı merzimge keshiktirilgen eńbekaqy qaryzy saqtalǵan. QR DSÁDM mamandary jergilikti atqarýshy organdarmen birigip eńbek janjaldarynyń shyǵý qaýpi, jumyskerlerdi qysqartý men bosatý, ýaqytyly eńbekaqy tóleý boıynsha udaıy monıtorıng jasaıdy. Eńbek zańnamasy men jumyskerler quqyǵynyń buzylýy boıynsha anyqtalǵan barlyq jaǵdaılarda shuǵyl sharalar qoldanylady.