Kýkýshkın Ýımbldon týrnıriniń shırek fınalyna shyǵa almady
NUR-SULTAN. QazAqparat - Qazaqstandyq Mıhaıl Kýkýshkın Ýımbldon týrnıriniń tórtinshi aınalymynda japonııalyq Keı Nısıkorımen kezdesti, dep habarlaıdy QazAqparat tilshisi.
M.Kýkýshkın dúnıejúzilik reıtıngte 58-orynda bolsa, qarsylasy álemniń 7-raketkasy edi. Buǵan deıin qos tennısshiniń ózara kezdesýlerinde japonııalyq sportshy jeńistik bermeı kele jatqan-dy. Birinshi partııada K.Nısıkorı breıkpen alǵa shyqty - 3:1. Sol basymdylyǵyn saqtap tura aldy - 6:3. Ekinshi sette esesine breık jasaǵan M.Kýkýshkın esep 5:3 bolǵan mezette óz múmkindigin paıdalana bildi - 6:3. Úshinshi partııada esep 4:3 bolǵanda, japonııalyq sportshy breık jasap ketti - 6:3.
Tórtinshi setti Nısıkorı breıkpen bastaǵanymen, Kýkýshkın de qarap qalmady - 1:1. Budan keıin qarsylastar taǵy breıkpen almasty - 2:2. Taǵy bir breıkke qol jetkizip, óz geımin bermegen japonııalyq tennısshi alǵa shyqty - 4:2. Aqyry ol matchty jeńispen aıaqtaı bildi - 6:4.
Tartysty báseke 2 saǵat 46 mınýtqa sozyldy.
K.Nısıkorı álemniń 3-raketkasy, shveıtsarııalyq Rodjer Federermen jartylaı fınal joldamasyn sarapqa salady.
M.Kýkýshkınniń alǵash ret Ýımbldon týrnıriniń tórtinshi aınalymyna deıin jetip, úzdik 16 tennısshiniń qatarynan kórinýiniń ózi úlken tabys dep baǵalaýǵa bolady. Soǵan baılanysty kelesi dúısenbide jańartylatyn reıtıngtegi orny da joǵarylaıtyn bolady.
Eske sala keteıik, budan buryn M.Kýkýshkın Ýımbldon týrnıriniń tórtinshi aınalymyna shyqqan bolatyn.
