Kýkýshkın men Býblık juptyq synda Ýımbldon týrnırin jeńispen bastady
NUR-SULTAN. QazAqparat - Qazaqstandyqtar Mıhaıl Kýkýshkın men Aleksandr Býblık juptyq Ýımbldon týrnırin jeńispen bastady, dep habarlaıdy QazAqparat tilshisi.
Qazaqstandyq jup alǵashqy aınalymda úndistandyq Leander Paes pen frantsııalyq Benýa Permen kezdesti.
Asa tartysty órbigen matchta alǵashqy eki partııada úndistandyq-frantsııalyq jup 6:4, 7:6 (7:1) esebimen jeńiske jetti.
Sodan keıin Býblık pen Kýkýshkın 6:3, 7:6 (7:4) esebimen ese qaıyrdy.
Besinshi set te shıeleniske toly boldy. Ýımbldon týrnırinde sheshýshi partııada taı-breık oınalmaıdy, qarsylastar eki geım aıyrmashylyǵymen jeńgenshe, match jalǵasa beredi. Esep 7:6 bolǵan mezette qazaqstandyq tennısshiler qos birdeı matchboldy paıdalana almady. Degenmen sodan keıin matchty breıkpen túıindedi - 9:7.
Báseke 3 saǵat 25 mınýtqa sozyldy.
M.Kýkýshkın men A.Býblık ekinshi aınalymda kolýmbııalyqtar Hýan-Sebastıan Kabal men Robert Farahpen sheberlik baıqasady.
Eske sala keteıik, budan buryn Mıhaıl Kýkýshkınniń Ýımbldon týrnıriniń ekinshi aınalymyna shyqqanyn, Galına Voskoboevanyń jarysty sátti bastaǵanyn, al ıÝlııa Pýtıntsevanyń úshinshi aınalymǵa óte almaǵanyn jazǵan bolatynbyz.
