Kýkýshkın Madrıdtegi jarystyń ekinshi kezeńine óte almady
ASTANA. QazAqparat - Qazaqstandyq tennısshi Mıhaıl Kýkýshkın syılyq qory $6 mln bolatyn tanymal ATR týrnıriniń ekinshi kezeńine shyǵa almady, dep habarlaıdy «QazAqparat» HAA.
Birinshi raýndtyń matchynda Kýkýshkın kort ıesi Davıd Ferrerge qarsy shyqty. Qazaqstandyq matchty óte sátti bastady jáne alǵashqy set 6:2 esebimen aıaqtalyp, jerlesimiz senimdi jeńiske jetti.
Ekinshi partııada tennısshiler jarysty taı-breıkke deıin jetkizip, onda Ferrerdiń baǵy jandy. Úshinshi, sheshýshi sette ıspandyq taǵy da basymdyq tanytyp, qorytyndy esep: 2:6, 7:6, 6:4 boldy. Jeńis Ferrerdiń qorjynynda.
