Kýkýshkın ATR reıtınginiń TOP júzdiginde bir saty tómendedi
ASTANA. QazAqparat - Kásipqoı tennısshiler qaýymdastyǵy (Association of Tennis Professionals) erler arasyndaǵy jańartylǵan reıtıngin jarııalady, dep habarlaıdy Sports.kz.
Kósh basynda ádettegideı brıtandyq Endı Marreı tur, ekinshi orynda - serbııalyq Novak Djokovıch, úshinshi orynda shveıtsarııalyq tennısshi Sten Vavrınka tur.
TOP-100 tizimindegi jalǵyz qazaqstandyq Mıhaıl Kýkýshkın 76-orynnan 77-orynǵa tómendedi. Taǵy bir qazaqstandyq sportshy Aleksandr Býblık bir saty kóterilip, 145-shi orynǵa turaqtady. Dmıtrıı Popko birden segiz saty joǵarylap, 182-orynǵa kóterildi.
