Kýkýshkın ATR reıtınginde tórt saty kóterildi
ASTANA. QazAqparat - Kásipqoı tennısshiler qaýymdastyǵynyń jańartylǵan reıtıngi jarııalandy, dep habarlaıdy Sports.kz.
Belgili bolǵandaı, ıspanııalyq Rafael Nadal álemniń birinshi raketkasy ataǵyn saqtap qalǵan. Ekinshi orynda shveıtsarııalyq tennısshi Rodjer Federer tur, al Argentına sportshysy Hýan Martın del Potro úshinshi orynda.
Reıtıngtiń alǵashqy júzdigindegi Qazaqstannyń jalǵyz ókili Mıhaıl Kýkýshkın tórt saty joǵary kóterilip, 84-shi orynǵa taban tiredi. Aleksandr Býblık 239-shy orynnan 207-shi orynǵa jyljyp, TOP-200-ge enýge jaqyn qaldy.
