Kýkýshkın ATR reıtınginde - álemniń 65-shi raketkasy
ASTANA. QazAqparat - Qazaqstandyq tennısshi Mıhaıl Kýkýshkın Kásibı tennısshiler qaýymdastyǵynyń (ATR) jeke razrıadtaǵy reıtınginiń úzdik «júzdiginde» 65-shi oryndy saqtap otyr.
Kýkýshkın bul reıtıngte Qazaqstannyń úzdik ókili bolyp qalyp otyr, Aleksandr Nedovesov ekinshi «júzdikte» 162-shi orynda turaqtady, úshinshi «júzdikte» Andreı Golýbev bir saty kóterilip, 205-shi boldy, al Dmıtrıı Popko 9 saty tómen túsip, 263-shi orynnan kórindi. Jeke razrıad reıtıngin serbııalyq sportshy Novak Djokovıch basqaryp otyr, ekinshi orynda - brıtandyq Endı Mıýrreı, úzdikter «úshtigine» shveıtsarııalyq tennısshi Roje Federer kirdi, dep jazady sports.kz.
