Kýkýshkın ATR Challenger týrnıriniń jartylaı fınalyna shyqty
ASTANA. QazAqparat - Qazaqstandyq tennısshi Mıhaıl Kýkýshkın Amerıkanyń Irvıng qalasynda ótip jatqan ATR Challenger týrnıriniń jartylaı fınalyna shyqty, dep habarlaıdy QazAqparat tilshisi.
Otandasymyz 1/4 fınalda reseılik qarsylasy Karen Hachanovty eki sette 6:4, 7:6 esebimen utyp, jartylaı fınalǵa ótti. Match bir saǵat, 35 mınýtqa sozyldy. Endi jerlesimiz jartylaı fınalda Tım Smychek - Dastın Braýn jubynyń jeńimpazymen kezdesedi.
Esterińizge sala keteıik, qazaqstandyq tennısshi Mıhaıl Kýkýshkın AQSh-tyń Irvıng qalasynda ótip jatqan ATP Challenger týrnıriniń birinshi kezeńinde jergilikti tennısshi Denıs Kýdlamen saıysqa túsip, ony 4:6, 6:3, 6:1 esebimen utsa, ekinshi kezeńde taıvandyq tenısshi Lý ıAnsıýnmen sheberlik baıqasyp, qarsylasyn 6:2, 4:6, 6:4 esebimen qapy qaldyrǵan bolatyn.
