Kýkýshkın ATP reıtınginiń úzdik júzdiginde óz ornyn saqtap qaldy
ASTANA. QazAqparat - Kásipqoı tennısshiler qaýymdastyǵy (ATP ) ókilderiniń jańartylǵan reıtıngi jarııalandy, dep habarlaıdy Sports.kz.
Ispandyq Rafael Nadal burynǵysha álemniń birinshi raketkasy ataǵyn saqtap qalsa, ekinshi orynda shveıtsarııalyq tennısshi Rodjer Federer tur. Kóshbasshylar úshtigin nemis sportshysy Aleksandr Zverev túıindedi.
TOP-100-degi jalǵyz qazaqstandyq tennısshi Mıhaıl Kýkýshkın 96-shy orynda tur. Úzdik júzdikke jaqyn turǵan otandasymyz Aleksandr Býblık bir pozıtsııa joǵaltyp, 143-orynǵa syrǵydy.
