Kýkýshkın ATP reıtıngindegi ornyn saqtap qaldy
ASTANA. QazAqparat - Kásibı tennısshiler qaýymdastyǵy (ATP) sportshylardyń jańa reıtıngin jarııalady, dep habarlaıdy QazAqparat Sports.kz-ke silteme jasap.
Tizim basyndaǵy úzdikter úshtigin burynǵysha serbııalyq Novak Djokovıch, ıspan Rafael Nadal jáne shveıtsarııalyq Rodjer Federer qurady.
TOP-100 tizimindegi jalǵyz qazaqstandyq tennısshi Mıhaıl Kýkýshkın 53-orynda qaldy. Júzdikke eń jaqyn qazaqstandyqtar - Aleksandr Býblık pen Aleksandr Nedovesovter de burynǵy 169 jáne 185-oryndaryn saqtap qaldy.
Buǵan deıin tennısshi qyzdarymyzdyń álemdik reıtıngtegi orny týraly habarlaǵan bolatynbyz.
