Kúkirti mol gazdy zańsyz jaqqan «Embimunaıgaz» AQ-dan 1,3 mlrd teńge óndirildi
ATYRAÝ. QazAqparat – Atyraý oblysynda «Embimunaıgaz» AQ-nan 1,3 mln tekshe metr gazdy zańsyz jaqqany úshin 1 mlrd 281 mln teńge óndirildi, dep habarlaıdy QazAqparat.
«Embimunaıgaz» AQ qondyrǵylardaǵy fakelderde 1,3 mln tekshe metrden astam gazdy zańsyz jaqqany anyqtaldy. Gaz quramynda kúkirttiń quramy kóp bolǵan. Prokýrorlyq qadaǵalaý is-sharasynyń nátıjesinde ókiletti organmen memleket paıdasyna qorshaǵan ortaǵa keltirilgen zııan úshin 1 mlrd 281 mln teńge óndirildi»,- dedi Atyraý oblysy prokýrorynyń aǵa kómekshisi Qanat Qabdolov.
Sondaı-aq, «KMG Nabors Drilling Company» JShS-nen ókiletti organmen qorshaǵan ortaǵa ruqsat etilmegen emıssııa úshin salyqtyq tólem retinde 153,1 mln teńge óndirilgen.
