Quqyqtyq mádenıet jáne medıatsııa: Almatydaǵy ashyq dıalog
ALMATY. KAZINFORM - Almaty qalasynda «Zań men tártip: medıatsııanyń qoǵamdaǵy mańyzy» taqyrybyndaǵy konferentsııa ótti.
Konferentsııa Almaty qalasy Іshki saıasat basqarmasynyń tapsyrysymen, úkimettik emes uıymdardyń áleýmettik jobalardy iske asyrý boıynsha memlekettik áleýmettik tapsyrys aıasynda júzege asyrylǵan «Medıatsııa ınstıtýtyn dáripteý jáne daýlardy sheshý boıynsha is-sharalar kesheni» jobasynyń qorytyndy kezeńi retinde ótti.
Jobanyń maqsaty – qoǵamdaǵy quqyqtyq mádenıetti arttyrý, medıatsııa ınstıtýtyn damytý, daýlardy beıbit jolmen sheshýdiń balamaly tásilderin nasıhattaý jáne azamattar arasynda kelisimge kelý mádenıetin qalyptastyrý edi.
Іs-sharaǵa qala prokýratýrasy men polıtsııa ókilderi, medıatorlar, memlekettik organ qyzmetkerleri, kásipkerler, jastar uıymdary, ÚEU ókilderi jáne qoǵam belsendileri qatysty.
Konferentsııa barysynda medıatsııanyń qoǵamdaǵy róli, quqyqtyq mádenıetti nyǵaıtý tetikteri jáne túrli sala mamandarynyń tájirıbeleri talqylandy, sondaı-aq qatysýshylar arasynda pikir almasý jáne suraq-jaýap alańy uıymdastyryldy.
