«Quqyqqa qaıshy kontent» taratqandar jalǵan aqparat taratý baby boıynsha jazaǵa tartylýy múmkin

ASTANA. KAZINFORM — Іshki ister mınıstriniń orynbasary Igor Lepeha «Quqyq buzýshylyq profılaktıkasy týraly» Zańǵa «quqyqqa qaıshy kontent» uǵymy engizilse, oǵan jol bergen azamattarǵa qandaı jaza qoldanylatynyn túsindirdi.

— Mende siz usynyp otyrǵan zań qabyldansa ózgeshe oılaıtyndardy ashyqtan ashyq qýdalaý bastala ma degen kúmánim bar. Óıtkeni sizdiń baıandamańyzdan «quqyqqa qaıshy kontent» degen uǵym bar ekenin baıqadym. Ondaı fıgýrant esepke alynyp, táýekel belgisi alynǵansha baqylaýda bolady eken. Meni osy tustar alańdatyp otyr. Bul zań jobasy adam quqyqtary jónindegi táýelsiz uıymdardyń saraptamasynan ótti me, — dep surady depýtat.

Onyń aıtyp otyrǵany — «Quqyq buzýshylyq profılaktıkasy týraly» Zań jobasyna ilespe qujattyń normasy.

— Іlespe zań jobasynyń aıasynda quqyqqa qaıshy kontent taratqany úshin, memlekettik organdardyń quqyq buzýdyń sebebin joıý týraly usynymyn qasaqana oryndamaǵany úshin ákimshilik jaýapkershilik qarastyrylǵan. Jasóspirimderge qatysty pedagogtiń súıemeldeýi, áleýmettik mańyzdy qyzmetke tartý, táýeldiliktiń aldyn alý baǵdarlamasy, tártibin túzeý sııaqty mamandandyrylǵan sharalar kózdelgen. Sot sheshimi boıynsha jeke shekteýler de engizilýi múmkin, — degen bolatyn Igor Lepeha óz baıandamasynda.

Mınıstrdiń orynbasary bul bap qoldanystaǵy zańnamada 2023 jyldan beri jumys istep kele jatqanyn aıtty.

— Onlaın platformalar men onlaın jarnama týraly zańda quqyqqa qaıshy kontentti taratyp, ornalastyrýǵa tyıym salynǵan. Osy zańnyń 14-babynda osyndaı tyıym bar. Biz bul baptyń redaktsııasyna tıisken joqpyz. Tek quqyqqa qaıshy kontent taratqany úshin ákimshilik jaýapkershilik qarastyrylmaǵan bolatyn. Sondyqtan jalǵan aqparat taratý jáne ornalastyrý týraly 456-bapqa, útir arqyly «quqyqqa qaıshy kontent» degen uǵym qosyldy, — dedi ol.

ІІM ókili atalǵan baptyń qalaı jumys isteıtinin túsindirip ótti. 

— «Jalǵan aqparat taratý» babynyń ómirdegi qoldanysy boıynsha tájirıbemiz bar. Ondaı árbir fakt boıynsha Mádenıet jáne aqparat mınıstrligi jalǵan aqparat taratý faktisi oryn aldy dep eseptese, ol materıaldy tirkep, fılologııalyq saraptamaǵa baǵyttaımyz. Bul táýelsiz saraptamalar tekserip áreket ákimshilik quqyq buzý ma, qylmystyq quqyq buzý ma, sony aıtady. Ol materıaldyń bári prokýratýranyń maquldaýynan ótkennen keıin baryp sotqa túsedi. Negizgi súzgi osy sot, aqyrǵy sheshimdi sol shyǵarady, quqyqqa qaıshy áreket joq dep tanysa aqtaýy da múmkin, — dedi Igor Lepeha.

Eske salsaq, keshe birqatar BAQ-ta eks-prezıdent Nursultan Nazarbaevtyń jary Sara Alpysqyzynyń ómirden ozǵany týraly aqparat taraǵan bolatyn.