Quqyq buzýshylyqtyń aldyn alý jónindegi vedomstvoaralyq komıssııa quryldy

Jańadan qurylǵan konsýltatıvtik-keńesshi organ memlekettik organdardyń quqyq buzýshylyqtyń aldyn alý salasyndaǵy qyzmetin úılestirýge jaýapty bolady.

– Vedomstvoaralyq komıssııanyń tóraǵasy - Qazaqstan Premer-Mınıstri, al onyń orynbasary bolyp Іshki ister mınıstri taǵaıyndaldy. Komıssııa óz qyzmetinde Konstıtýtsııany, zańdardy, Prezıdent pen Úkimet aktilerin basshylyqqa alady, - delingen qujatta.

Komıssııanyń jumys organy retinde QR Іshki ister mınıstrligi bekitildi. Al komıssııanyń hatshysy mindetin Іshki ister mınıstrliginiń Profılaktıkalyq jumysty úılestirý komıtetiniń tóraǵasy atqarady.

Komıssııanyń biregeı quramy

Komıssııa quramyna elimizdiń saıası basshylyǵy men kúshtik qurylymdarynyń jetekshileri laýazymy boıynsha tolyqtaı endi.

Olardyń qatarynda Bas prokýror jáne UQK tóraǵasy, Premer-Mınıstrdiń orynbasarlary - Ulttyq ekonomıka, Jasandy ıntellekt jáne tsıfrlyq damý, Mádenıet jáne aqparat mınıstrleri, Qarjylyq monıtorıng, Memlekettik qyzmet isteri, Strategııalyq josparlaý jáne reformalar agenttikteriniń basshylary, Qorǵanys, Іshki ister, Ádilet, Densaýlyq saqtaý, Oqý-aǵartý, Energetıka sekildi barlyq salalyq mınıstrler bar.

Erejege sáıkes, organ mynadaı ókilettikterge ıe:

- Memlekettik organdardyń aldyn alý jumystaryna saraptama jasap, olardyń tıimdiligine baǵa beredi.

- Mınıstrlikter men vedomstvo basshylarynyń atqarylǵan jumystary týraly esebin tyńdap, qyzmetti jaqsartý boıynsha nusqaýlar beredi.

- Quqyq buzýshylyqtyń aldyn alý salasyndaǵy zańnamany jetildirý boıynsha usynystar ázirleıdi.

- Úkimetke, sondaı-aq oblys, qala jáne aýdan atqarýshy organdarǵa aldyn alý sharalaryn kúsheıtý jóninde usynystar joldaıdy.

Atalǵan Jarlyq 2026 jylǵy 10 naýryzdan bastap qoldanysqa engizildi. 

Aıta keteıik, ІІM 9 aıda 6 myńnan astam esirtkige qatysty qylmystyq quqyqbuzýshylyq anyqtady.