«Kýdzıra» daýyly Japonııaǵa jaqyndap qaldy
NUR-SULTAN. QazAqparat - Japon meteorologtary Tynyq muhıtynda jańa «Kýdzıra» tropıkalyq daýylynyń paıda bolǵanyn málimdedi, dep habarlaıdy QazAqparat.
Japonııanyń bas meteorologııalyq agenttiginiń derekterine qaraǵanda, qazirgi ýaqytta tsıklon Mınamıtorı atoll araly aýdanynda jáne soltústik batystaǵy negizgi Honsıý aralyna qaraı 10 km/saǵ jyldamdyqpen jyljyp barady.
Ortalyqtaǵy jeldiń jyldamdyǵy 18 m/s, ekpini 25 m/s deıin.
Mamandar daýyl aptanyń ortasyna qaraı Honsıýdiń shyǵys jaǵalaýyna jaqyndap, sonymen qosa birge jańbyr jaýyp, jel kúsheıedi dep kútýde.
Budan buryn Japonııada Haıshen taıfýnynyń saldarynan tórt adam habar-osharsyz ketip, 52 adam jaraqat alǵan edi.
