Qudyqqa qulaǵan áriptesin qutqarmaq bolǵan 5 adam qaza tapty
ASTANA. QazAqparat - Reseı Federatsııasynyń Ýfa qalasynda meıramhana kesheniniń 6 qyzmetkeri qudyqqa qulap ketken áriptesine kómektesý úshin tómen túsip, belgisiz gazben ýlanǵan. Olardyń beseýi qaza tapty.
Bul týraly juma kúni qala merııasynyń baspasóz qyzmetinen málim etti, dep habarlaıdy TASS.
«Aldyn ala derek boıynsha, meıramhana qyzmetkeri nysan aýmaǵynda jumys istep júrip, qudyq ishine qulaǵan. Oǵan kómektesýge basqa da qyzmetkerler kelip, qudyqqa túsken. Qolda bar aqparat boıynsha, qudyqta belgisiz gaz jınalyp qalǵan. Sonyń saldarynan keshen qyzmetkerleri esten tanǵan», - delingen habarlamada.
Jedel járdem men Azamattyq qorǵanys basqarmasynyń qyzmetkerleri oqıǵa ornyna 10 mınýtta kelgen.
«Ókinishke oraı, tek bir qyzmetkerdi qutqaryp úlgerdik. Beseýine kómektese almadyq - olar qaza tapty», - dep atap ótti merııada.
