Kýdrın barlyq laýazymynan ketedi
ASTANA. 11 qazan. QazAqparat - Burynǵy vıtse-premer, Reseı Qarjy mınıstri Alekseı Kýdrın barlyq qurylymdaǵy laýazymynan, sonyń ishinde ol Reseıdi tanytatyn halyqaralyq laýazymdardan de ketetin boldy, dep habarlady jýrnalısterge Reseı Prezıdentiniń kómekshisi Arkadıı Dvorkovıch.
«Otstavkaǵa ketýine baılanysty Alekseı Kýdrın vıtse-premer jáne qarjy mınıstri laýazymynan ǵana emes, Qarjy naryǵy Keńesinen, Ulttyq banki keńesinen, sondaı-aq basqa da qurylymdyq, sonyń ishinde Reseıdiń múddesin tanytatyn halyqaralyq laýazymdardan da ketedi. Bul qyzmetterdi qazirgi memlekettik qyzmetkerler atqaratyn bolady», - degen Dvorkovıchtiń sózin "Vedomostı" basylymy keltirip otyr.
