Kýdrát Shamıev Azııa Olımpıadalyq keńesiniń Atqarýshy komıtetinde vıtse-prezıdent qyzmetin atqarady
ASTANA. KAZINFORM – Qazaqstan taekvondo federatsııasynyń prezıdenti Kýdrát Shamıev Azııa Olımpıadalyq keńesiniń (AOK) Atqarýshy komıtetiniń quramyna 2029 jyly Almatyda ótetin qysqy Azııa oıyndaryn uıymdastyrýǵa jaýapty vıtse-prezıdent retinde endi.
Ulttyq olımpıadalyq komıtettiń habarlaýynsha, bul sheshim Qytaıdyń Sanıa qalasynda ótip jatqan 2026 jylǵy VI jaǵajaıdaǵy Azııa oıyndary aıasynda ótken AOK Atqarýshy komıtetiniń otyrysynda qabyldandy.
Kýdrát Shamıev 2029 jylǵy qysqy Azııa oıyndaryna daıyndyq pen ony ótkizý jumystaryn úılestiredi. Sondaı-aq Almatydaǵy jarysty uıymdastyrýǵa qatysty AOK qurylymdarymen ózara baılanys ornatýdy qamtamasyz etedi.
Aıta keteıik, ol Qazaqstan taekvondo federatsııasynyń prezıdenti, Qazaqstan Ulttyq Olımpıadalyq komıteti Atqarýshy komıtetiniń múshesi ári Altaic Taekwondo Union uıymynyń jetekshisi.
Buǵan deıin «Ertis» fýtbol klýbyna jańa dırektor taǵaıyndalǵanyn habarlaǵan edik.
