Kúdiktini ustaý maqsatynda Qostanaı oblysynda blok-beketter qoıyldy

QOSTANAI. KAZINFORM — Qostanaı oblysynyń avtojoldaryna blok-beketter qoıyldy. Polıtsııa qyzmetkerleri aýyr dene jaraqatyn keltirdi degen kúdikke ilingen er adamdy izdeý aıasynda kólikterdi toqtatyp, tekserip jatyr.

Áleýmettik jelilerde Qostanaı–Rýdnyı trassasynda polıtsııa qyzmetkerleri kólikter men avtobýstardy toqtatyp, tintip jatqandyǵy týraly aqparat tarady.

Oblystyq PD bul faktini rastady, kúdikti adamdy izdeý is-sharalary júrgizilip jatqanyn atap ótti.

— Qostanaı qalasynda qasaqana aýyr dene jaraqatyn keltirý qylmysy jasaldy. Kúdiktiniń kim ekeni anyqtaldy. Ony jaýapkershilikke tartý úshin izdestirý jáne ustaý sharalary qolǵa alyndy, — dedi polıtsııada.

Jergilikti BAQ málimetinshe, zardap shegýshi — is-shara kezinde týǵan janjal barysynda pyshaq jaraqatyn alǵan polıtsııa qyzmetkeri bolyp shyqty.

Eske salsaq, Almatyda polıtsııa qyzmetkerin ádeıi soqqan moped júrgizýshisi jazalandy.

Al bıylǵy jyldyń qysynda Almatyda polıtsııa qyzmetkeri pyshaq jaraqatynan kóz jumǵan edi. 

Budan bólek, qyzmet kezinde qaza tapqan polıtsııa qyzmetkeri «Aıbyn» ordenimen marapattaldy.