Kúdikti retinde tanylǵan joq – QMA Nyǵmatýlınniń uly týraly iske túsinikteme berdi

ASTANA. KAZINFORM — Qarjylyq monıtorıng agenttigi tóraǵasynyń orynbasary Jeńis Elemesov Májilistiń eks-tóraǵasy Nurlan Nyǵmatýlınniń uly Nurjan Nyǵmatýlın esimi atalǵan reıderlik is týraly pikir bildirdi.

— Bizde Almaty aýmaǵyndaǵy reıderlik faktisi boıynsha qylmystyq is jatyr. Basqa aqparatty aıtýǵa haqym joq. Ol (Nurjan Nurlanov — red.) kúdikti retinde tanylǵan joq. Oǵan qatysty aıyp taǵylyp otyrǵan joq, — dedi agenttiń basshysynyń orynbasary. 

Sondaı-aq, ol quqyq qorǵaý organdaryna Nurjan Nurlanovtyń reıderlik áreketi týraly ótinish túskenin, áýeli ol isti polıtsııa departamenti qolǵa alyp, keıin Qarjylyq monıtorıng agenttigine berilgenin málim etti.

Aıta ketsek, 16 sáýirde Nurlan Nyǵmatýlınniń uly reıderlikpen aınalysty degen kúdikke ilingeni aıtylǵan bolatyn.