Kúdikti qurylys kompanııasy turǵyndardan áli aqsha jınap jatyr: Polıtsııa el turǵyndaryna úndeý jasady

ASTANA. KAZINFORM - Alaıaqtyqqa kúdikti qurylysshy azamattardan zańsyz aqsha jınaýdy áli de jalǵastyryp jatyr. Tártip saqshylary qazaqstandyqtarǵa úndeý jasady, dep habarlaıdy Polisia.kz.  

«Ayana Plaza» turǵyn úı kesheni qurylysynyń toqtatylǵanyna qaramastan, qurylys salýshy páter satý syltaýymen azamattardyń qarajatyn zańsyz alýdy jalǵastyryp jatyr.

Elorda polıtsııasy «Ayana Plaza» turǵyn úı kesheni qurylysyna arnalǵan úleskerlerdiń aqsha qarajatyn aldap alý jolymen ıemdendi dep «Kaztelematica» JShS, «Kaztelematica group» JShS jáne «Building Company» JShS basshylaryna qatysty alaıaqtyq faktisi boıynsha qylmystyq isti tergep jatyr.

Qazirgi ýaqytta polıtsııaǵa 110 jábirlenýshi aryzdanǵan, biraq sotqa deıingi tergep-tekserý barysynda zardap shekkenderdiń sany áldeqaıda kóp ekeni anyqtaldy.

«Aldanǵan úleskerlerdiń jańa tolqynynyń paıda bolýyna jol bermeý úshin joǵaryda atalǵan turǵyn úı kesheniniń qurylysyna aqsha salmaýdy usynamyz. Atalǵan kompanııalar basshylarynyń áreketinen zardap shekken azamattardan Astana qalasy Polıtsııa departamentine Seıfýllın kóshesi, 37 mekenjaıy boıynsha júginýińizdi suraımyz»,-delingen habarlamada.

Astanada jalǵa beriletin turǵyn úıge ótinimder qabyldaý jaqyn arada bastalady.