Kúdiktini atqan tártip saqshylarynyń oǵy eki áıelge tıdi
ASTANA. QazAqparat - Italııalyq tártip saqshylarynyń kúdikti kóringen mashınaǵa oq jaýdyrýy saldarynan 49 jastaǵy áıel men onyń 16 jasar qyzy jaralandy.
ANSA agenttiginiń habarlaýynsha, keleńsiz jaǵdaı juma kúni Rımdegi aýdandardyń biriniń aýmaǵynda bolǵan.
Avtomobıl júrgizýshisi karabınerlerdiń tekserý úshin toqtaýǵa bergen buıryǵyna baǵynbaǵan. Kerisinshe jyldamdyqty arttyryp, olardy qaǵyp ketpekke árekettengen.
Tártip saqshylarynyń biri kúdikti avtomobıldi atady. Biraq oq motorollermen kele jatqan áıelge tıedi. Agenttiktiń anyqtaýynsha,
jaraqattanǵan áıelder shuǵyl aýrýhanaǵa jetkizilgen.
Oqıǵa ornynan izin jasyrǵan júrgizýshi izdestirilýde.
