Kúdikti sómke tabylǵan Óskemenniń ónerkásip alańy qorshaýǵa alyndy
ÓSKEMEN. QazAqparat - Búgin tańerteń Promyshlennaıa kóshesindegi jaıaý jolda tabylǵan qaraýsyz sómkeniń ishindegi zattardy ІІD-niń mamandary zerttep jatyr.
Ónerkásip alańynyn aýdany qorshaýǵa alyndy, adamdar qaýipsiz jerge shyǵaryldy, oqıǵa ornynda qyraǵy turǵyndar baıqaǵan sómkeniń ishindegi zattardy saperler tekserýde.
ShQO ІІD-niń baspasóz qyzmetiniń basshysy Baqytjan Torǵaevtyń túsindirýinshe, polıtsııaǵa qońyraý búgin tańerteń, saǵat 8-diń kezinde kelip túsken. Matadan tigilgen sómkeni áskerı-tehnıkalyq mekteptiń janynda qala turǵyndary anyqtaǵan.
«Qyraǵylyq tanytqan qala turǵyndary polıtsııaǵa habarlasty. Qaýipsizdik maqsatynda ónerkásip alańynyń aýdany qorshaýǵa alynyp, jaqyn ornalasqan ǵımarattardaǵy adamdar qaýipsiz jerge shyǵaryldy, oqıǵa ornyna saperler shaqyryldy. Ázirge sómkeniń ishindegi zattardy mamandar tekserip jatyr, biz aqparat kútip otyrmyz», - dep túsindirdi B.Torǵaev.
