Kúdikti polıtsııa bóliminiń besinshi qabatynan sekirdi
ASTANA. QazAqparat - Reseıdiń Chelıabi qalasynda Kýrchatov aýdandyq polıtsııa bóliminde bolǵan oqys oqıǵanyń mán-jaıy tekserilýde.
Osynda tonaý men azamattarǵa shabýyl jasaý faktisi boıynsha ustalǵan kúdikti qashýǵa árekettengen. Ol besinshi qabattaǵy terezeniń shynysyn syndyryp, jerge sekirdi.
Chelıabi oblystyq ІІM MM baspasóz qyzmetinen habarlanǵandaı, túrli deńgeıde jaraqattanǵan, buryn sottalǵan 20 jastaǵy kúdikti qalalyq aýrýhanaǵa jetkizildi.
Atalǵan fakti boıynsha qyzmettik tekseris júrgizilýde. Eger tártip saqshylarynyń bul áreketke qatysy bar ekeni anyqtalsa, olar qatań tártiptik jazaǵa tartylmaq. Tipti jumysynan aıyrylýy da múmkin, dep jazady Rosbalt.
