Kúdikti Almatyda urlaǵan telefondardy astanaǵa kelip satqan
Nur-Sultan qalalyq Polıtsııa departamentiniń málimetinshe, Almaty oblysynyń 20 jastaǵy turǵyny elordaǵa jeke taksı qyzmetimen jetken. Astanaǵa kelgen kúni-aq ol saýda ortalyqtarynyń birinde «IRhone 13» markaly uıaly telefondy 380 myń teńgege satqan.
«Jedel izdestirý is-sharalary barysynda polıtsııa qyzmetkerleri Uly dala dańǵyly boıyndaǵy jaldamaly páterden tonaýǵa qatysý kúdigine ilikken jigitti ustady. Páterdi tintý barysynda Almaty qalasyndaǵy «Belyı veter» dúkeninen urlanǵan «IRhone 11», «IRhone 6» uıaly telefondary, «NR» markaly noýtbýk tabylyp, tárkilendi.
2022 jyldyń 4 qańtarynda kúdikti Almaty qalasyndaǵy kompıýterlik klýbtaǵy jumys ornynda bolǵan. Tanysynan jaqyn mańdaǵy «Belyı veter» dúkeniniń talqandalǵanyn estigennen keıin onyń qoımasyna baryp, 4 dana «IRhone 11» jáne «IRhone 13» uıaly telefondaryn jáne eki «NR» noýtbýgyn alyp ketken. Urlyq jasalǵan kúnniń erteńinde kúdikti Almatydan elordaǵa bet alǵan. Qazirgi ýaqytta atalǵan fakti boıynsha qylmystyq is qozǵaldy. Kúdikti Polıtsııa departamentiniń ýaqytsha oqshaýlaǵyshyna qamaldy. Jedel izdestirý is-sharalary barysynda uıaly telefondy satyp alýshy anyqtalyp, odan «IRhone 13» alyndy», - dep atap ótedi vedomstvodan.
Polıtsııa departamenti qundy zattar men tehnıkalardy satýǵa qatysty kúdikti usynystardan saq bolýdy eskertip otyr. Sonymen qatar taýardy satyp alý kezinde qyraǵylyq tanytyp, satýshydan túbirtek pen kepil talonyn suraýdy, kúdik týyndaǵan jaǵdaıda polıtsııaǵa habarlaý qajettigin qaperge salady.
