Kúdikke ilingen aýyl ákimi jerdiń qunyn 400 myń teńgege baǵalaǵan

NUR-SULTAN. QazAqparat - Túrkistan oblysyna qarasty Jambyl aýyldyq okrýginiń ákimi para alý kúdigine ilindi. Bul týraly QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bıǵaıdarov aıtty, dep habarlaıdy QazAqparat tilshisi.

«Túrkistan oblystyq sybaılas jemqorlyqqa qarsy qyzmet Keles aýdany Jambyl aýyldyq okrýginiń ákimine qatysty sotqa deıingi tergeýdi bastady. Ol jer telimin berý týraly oń sheshim qabyldaǵany úshin 400 myń teńge mólsherde para alý kúdigine ilinip otyr», - dedi ol agenttik ótkizgen onlaın brıfıng barysynda.

Tergeýshiniń atap ótýinshe, jedeldetilgen sot isin júrgizý ótinishi berilýine baılanysty protsessýaldyq qamaýǵa alý qoldanylǵan joq. Tergeý jalǵasýda. Kúdiktige qatysty sońǵy úkimdi onyń kinásiniń dárejesin anyqtaı otyryp, sot shyǵarady.