Kúdik týǵyzǵan qorapqa bola Almaty-1 vokzaly qorshaýǵa alyndy
ALMATY. QazAqparat - Almaty-1 vokzalynan kúdik týǵyzǵan qoraptyń kesirinen 10 myń adam syrtqa shyǵaryldy, dep habarlaıdy QazAqparat tlishisi.
Tótenshe jaǵdaı týraly sýret pen vıdeo Instagram pablıginde shyqty.
Qalalyq lańkestikke qarsy kúres shtabynyń resmı ókili Saltanat Ázirbektiń aıtýynsha, kúdik týǵyzǵan qorap týraly vokzal kezekshisi habarlaǵan.«Almaty-1 vokzalyna barlyq shuǵyl qyzmet etý qyzmetteri keldi. 10 myń adam syrtqa, qaýipsiz jerge shyǵaryldy. Jolda turǵan 4 poıyzdyń jolaýshylary shyǵaryldy. Saperler jumysqa tartyldy. Qorap keshki 18:34-te tabyldy. 19:26-da barlyq qyzmetter jumysyn toqtatty.Tekserý kezinde qoraptan eshteńe tabylmady», - dedi Saltanat Ázirbek.
Onyń aıtýynsha, kúdik týǵyzatyn ıesiz zattar bolsa, adamdar lańkestikke qarsy kúres shtabyna habarlaýy tıis.
«Buǵan deıin aqparattyq paraqshalar taratqan bolatynbyz. Azamattar qyraǵylyq tanytqany óte quptarlyq. Sebebi buǵan deıin túrli sómke, rıýkzaktar tapqan edik», - dedi ol.
Almaty-2 vokzaly boıynsha tekserý jumystary júrgizilmedi.
