Qudaıbergen Erjan Shardara aýdanyndaǵy qurylys jumystarymen tanysty
ShARDARA. QazAqparat – Túrkistan oblysyna qarasty Shardara aýdanyna QR Parlamenti Májilisiniń depýtaty Qudaıbergen Erjan kelip, atqarylyp jatqan jumystarmen tanysty. Halyq qalaýlysy oblystyq mańyzy bar jáne qala ishinde jóndeýden ótken joldardy kórdi, dep habarlaıdy QazAqparat tilshisi.
Depýtat aldymen qurylysy aıaqtalýǵa jaqyn 4 qabatty, 40 páterli turǵyn úılerdi aralap shyqty.
Sondaı-aq, aýdandyq ortalyq aýrýhana janynan qosymsha salynyp jatqan 2 qabatty emhananyń qurylys jumystarymen tanysty. Aýdan ortalyǵyndaǵy ortalyq stadıondaǵy kúrdeli jóndeý jumystaryn kórip, sonymen qatar ortalyq aýrýhanadaǵy mamandarmen kezdesti.
Ondaǵy naýqastarǵa qajetti qural-jabdyqtar men apparattar jaıly jáne basqa da dárilik, materıaldyq kem-ketikter jaıly surady. Aldaǵy ýaqytta emdeý mekemesinegi naýqastarǵa barynsha jaǵdaı jasalý kerektigin atap ótti.
Májilis depýtaty sapary barysynda aýdandaǵy ózge de aýyldardy aralap, halyqtyń tynys-tirshiligimen tanysty. Jergilikti turǵyndarǵa shalǵaı aýdandaǵy áleýmettik nysandardy iske qosýǵa múmkindiginshe qoldaý kórsetetindigin jetkizdi.
