Qudalyq jasaǵan Semeı turǵynyna aıyppul salyndy
SEMEI. QazAqparat - Semeıde jasyryn toı ótkizgen qala turǵynyna aıyppul salyndy, dep habarlaıdy QazAqparat tilshisi.
Shyǵys Qazaqstan oblysy Taýarlar men kórsetiletin qyzmetterdiń sapasy men qaýipsizdigin baqylaý departamentiniń habarlaýynsha, reıd júrgizý barysynda jeke úılerdiń birinen tártipbuzýshylyqty anyqtaǵan.
«Barlyq tyıym men eskertýge qaramastan Semeıde 14 shilde kúni jeke úıde ótkizilgen qudalyqqa 15 adam jınalǵan. Merekelik is-sharany uıymdastyrýshyǵa ákimshilik hattama toltyrylyp, 30 AEK kóleminde aıyppul salyndy», - dep túsindirdi baspasóz qyzmeti ókilderi.
ShQO Taýarlar men kórsetiletin qyzmetterdiń sapasy men qaýipsizdigin baqylaý departamenti 2020 jyldyń 5 shildesinen bastap Qazaqstanda karantın rejımi men sanıtarııalyq-epıdemıologııalyq talaptardy buzǵany úshin QR ÁQBK 425-babyna sáıkes: fızıkalyq tulǵalarǵa salynatyn aıyppul – 30 AEK nemese 83 340 teńge, shaǵyn kásipkerlik mekemelerine 230 AEK nemese 638 940 teńge, orta – 310 AEK nemese 861 180 teńge, iri kásipkerlikke – 1600 AEK nemese 4 444 800 teńge.
ShQO Taýarlar men kórsetiletin qyzmetterdiń sapasy men qaýipsizdigin baqylaý departamenti oblys turǵyndarynan sanıtarııa-epıdemıologııalyq talaptardy saqtaýdy suraıdy.
Sońǵy kúnderi Semeıde koronavırýs ınfektsııasyn juqtyrǵandar sany azaıǵanymen, jasyryn is-shara ótkizý vırýsty ınfektsııanyń taralýyna sebep bolýy múmkin.
