Qudalyq jasaǵan Almaty oblysynyń turǵyny jaýapqa tartyldy
TALDYQORǴAN. QazAqparat - Almaty oblysynda qudalyq jasaǵan turǵyn ákimshilik jaýapkershilikke tartyldy, dep habarlaıdy QazAqparat tilshisi.
Almaty oblysy Sarqan aýdandyq sotynda tótenshe jaǵdaı tártibin óreskel buzǵan quqyq buzýshyǵa qatysty ákimshilik materıal WHatsArp mobıldik qosymshasy arqyly qaraldy. Sotta anyqtalǵandaı ol el ishinde tótenshe jaǵdaıdyń jarııalanǵandyǵyn bile tura, memlekettik organ belgilegen rejımdi buzyp, aýdannyń bir toıhanasynda qudalyq ótkizgen.
Sot QR ÁQBtK-niń 476-babynyń 3-tarmaqshasy boıynsha quqyq buzýshyny kináli dep tanyp, oǵan jaza retinde 26 510 teńge mólsherinde aıyppul saldy.
Іsterdiń mobıldik qosymshalar arqyly qaralýy, is boıynsha taraptardyń COVID-19 koronavırýs pandemııasyna baılanysty engizilgen tótenshe jaǵdaı kezinde sot otyrysyna qashyqtan, ózderiniń jáne basqalardyń densaýlyǵyna qaýip tóndirmeı qatysýyna múmkindik beredi.
Sarqan aýdandyq sotynyń baspasóz qyzmetiniń málimetinshe, qaýly zańdy kúshine engen joq.
