Qudalyq, týǵan kún jasaǵan túrkistandyqtar jazalandy
TÚRKІSTAN. QazAqparat – Túrkistan oblysynda 50-ge tarta erikti tártip saqshylaryna kómektesip, jergilikti halyqqa qol ushyn sozýda, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, Báıdibek aýdanyndaǵy eriktiler «Borlysaı», «Ekpindi», «Túıetas» sanıtarlyq beketterindegi qyzmetkerlerge tosynsyı jasap, «Sizderge myń alǵys» degen jazýy bar toqashtar taratyldy. Táýlik boıy qyzmette turǵandarǵa únemi ystyq tamaqtar úlestirilýde. Sondaı-aq, tótenshe jaǵdaı engizilgeli beri eriktilerdiń kómegimen 13 quqyqbuzýshylyq anyqtalyp, zańǵa sáıkes tártip buzýshylarǵa QR ÁQBtK-niń 476-babymen hattama toltyrylǵan. Máselen, Túrkistan qalasyndaǵy dámhanalardyń birinde qudalyq pen tátti shaı jasaǵan azamatqa 26 myń teńge kóleminde aıyppul salynǵan. Taǵy bir túrkistandyq turǵyn týǵan kún jasaǵany úshin 5 táýlikke qamaýǵa alynǵan.
