Qubyrdyń jarylýynan Aqsý qalasynda tótenshe jaǵdaı engiziledi
PAVLODAR. QazAqparat - Aqsýda qubyrdyń jarylýynan káriz júıesiniń bir shaqyrymǵa jýyq bóligi aıtarlyqtaı zaqymdandy, dep habarlaıdy «QazAqparat» HAA tilshisi. Aqsý qalasy ákiminiń orynbasary Qarshyǵa Arynovtyń aıtýynsha, búgin Pavlodar oblysynyń basshylyǵy qala ákiminiń tehnogendik tótenshe jaǵdaı týyndaǵany jónindegi sheshimine qol qoıyp jatyr. Osyǵan oraı ákim óńir basshylyǵynan 50 mıllıon teńge kóleminde qarjy suraýda.
Aqsý turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń aqparatyna sáıkes, zaqymdanǵan jeliler «Aqsý sý arnasy» memlekettik kommýnaldyq kásipornynyń balansynda tur. Apattyq brıgada jóndeý jumystaryna qarjy bólingennen keıin kirisedi. Sýdy jetkizý grafıgi jasaldy, oǵan kóbine iri ónerkásip kásiporyndary endi.
Aqsý bilim bóliminiń basshysy Qaırat Smaǵulov balabaqshalar men mektepterde jaǵdaı qalypty ekendigin jetkizdi - mekemelerge sýdy tasyp jetkizýdiń qajettigi joq. Qala halqy sýmen qamtamasyz etý júıesinen ajyratylǵan joq, áleýmettik nysandar shtattyq rejimde jumysyn jalǵastyrýda. Ázirge qubyr jelisimen sý az mólsherde ótýi úshin sý berý kólemi azaıtyldy.
Apat kollektor ýchaskeleriniń birinde boldy. Tazartý qurylystary kárizdik kollektorynyń joǵarǵy bóligi tozyǵy jetýi saldarynan opyrylyp túsken. 50 myń halqy bar Aqsý qalasyndaǵy káriz jelisiniń jalpy uzyndyǵy 32 kılometrdi quraıdy.
