Qubyrdyń jarylýy saldarynan Qaraǵandynyń jartysy sýsyz qaldy
Qaraǵandy. QAZAQPARAT- Qaraǵandy turǵyndary tańǵy saǵat besten túski 14:45-ke deıin aýyzsýsyz qaldy, dep habarlaıdy «QazAqparat».
Oǵan Vostok-3 shaǵyn aýdanyndaǵy magıstraldy sý qubyrynyń dıametri 1,4 myń mıllımetr bolatyn aýmaǵynyń jarylýy sebep boldy. «Apat tańǵy saǵat beste Vostok-3 shaǵyn aýdanynda boldy. Qalpyna keltirý jumystary tańǵy 8.00-de bastalyp, 14:45-te aıaqtaldy dep habarlady «Qaraǵanda SÝ» kompanııasnyń baspasóz qyzmeti.
Bul sý qubyry arqyly Jańa qala, Mıhaılovka, Ońtústik-Shyǵys, Maıqudyq turǵyndaryna jáne Aqtas aýylyna sý keledi.
Alaıda 16-shy tamyzda Qaraǵandy qalasynyń basym bóligi josparly túrde sýdan ajyratylady. Osy sebepti Maıqudyq aýdany jáne Kýrıanovsk aýly turǵyndaryna sý qoryn jınap alý týraly habar berildi.
«NS sıstema» merdigerlik uıymy №3 sý tartqyshyn jóndeý-qalpyna keltirý jumystaryn júrgizedi. Sonymen qatar Prıshahtınsk (21 shaǵyn aýdan, Zelınskıı, Novostroıka, 3-kachegarka, Kýrılskaıa, Raschetnaıa, Tarpednaıa, Pırogova, Kıslovodskaıa, Baıseıitov, Sýhopýtnaıa, Sh. Rýstavellı, Svodnaıa jane t.b kósheler) baǵyttaryna sý berilmeıdi.
«16 tamyzda «Qarǵandy Sý» JShS sý tartqyshtyń jańa ýchaskesin paıdalanýǵa berý jumystaryn júrgizedi. Osyǵan baılanysty sý berý toqtatylady. Bir táýlikke jetetin sý qoryn jınap alýdy usynamyz. Keltirilgen qolaısyzdyqtar úshin keshirim suraımyz» dep habarlady kommýnaldyq kásiporynnyń baspasóz qyzmeti.
