Qubyr jarylýy jedel qalpyna keltirildi
ASTANA. 3 shilde. QazAqparat - Elordanyń Almaty aýdanynda, Abaı dańǵylynyń qıylysynda keshe senbi kúni saǵat 16.30-dyń shamasynda magıstraldyq sý qubyry jaryldy, dep habarlady Tótenshe jaǵdaılar mınıstrliginiń baspasóz qyzmetinen.
Tótenshe oqıǵanyń saldarynan Abaı dańǵylynda jáne onymen qıylasatyn Beısekbaev, Brýsılovskıı, Jubanov, Kenesary, Lomonosov, Pýshkın, Sembınov, Seıfýllın, Tolstoı, ıAnýshkevıch, Kúltóbe kóshelerinde barlyǵy 26 kópqabatty úı sýsyz qaldy.
Apattyń saldaryn joıý túni boıy júrgizilip, 3 shildede saǵat 04.29-da sý júıesi qalpyna keltirildi. Tótenshe oqıǵanyń saldaryn joıýǵa «Astana sý arnasynyń» arnaıy brıgadasy: 28 adam jáne 9 tehnıka jumyldyryldy.
