Qubyr tozǵan: Erteńnen bastap Temirtaý qalasynda sý kestemen beriledi

QARAǴANDY. QazAqparat – Qubyrdyń tozýyna jáne sýyq sýdy tutyný shyǵynynyń artýyna baılanysty erteńnen bastap Temirtaý qalasynda sý kestemen beriledi, dep habarlaıdy QazAqparat tilshisi.

«Ertis-Qaraǵandy sý qubyry boıynsha sý kóleminiń jetkiliksiz túsýine, qubyrdyń tozǵan jaǵdaıyna, sondaı-aq sýyq sýdy tutyný shyǵynynyń ulǵaıýyna baılanysty «Oqjetpes-T» JShS sharýashylyq aýyz sýmen jabdyqtaýdy keste boıynsha berýge májbúr ekenin habarlaıdy. Osyǵan baılanysty 11, 12, 13, 14 shilde kúnderi sý saǵat 6:00-den 10:00-ge deıin jáne 18:00-den 23:00-ge deıin beriledi. Sharýashylyq aýyz sý qoryn jınap alýyńyzdy suraımyz», - dep jazylǵan Temirtaý qalasy ákimdiginiń Telegram arnasynda jarııalanǵan habarlamada.

Málim bolǵandaı, toqtaǵan ýaqyttarda úılerdiń aýlasyna kólikter arqyqy sý jetkiziledi. Jergilikti quzyrly organ sýdyń qaı kezeńnen bastap qalypty beriletinin málimdegen joq.

Qosa ketsek, buǵan deıin Aqmola oblysyndaǵy aýyz sýsyz qalǵan Egindikól aýdanynda tótenshe jaǵdaı jarııalanǵan bolatyn.