Qubyr tesip, munaı urlaǵandar tutyldy
STANA. Qazannyń 20-sy. QazAqparat /Marlan Jıembaı/ - Aqtóbe oblysynda munaı qubyryn tesip, qara altyn urlaǵandar ustaldy. Bul týraly QR ІІM resmı ókili Qýanyshbek Jumanov búgin baspasóz máslıhaty barysynda málim etti.
Onyń atap ótýinshe, Aqtóbe oblysynyń ІІD Uıymdasqan qylmysqa qarsy kúres basqarmasynyń qyzmetkerleri shıki munaı urlaýdyń aldyn alý maqsatynda arnaıy is-sharalar ótkizgen. Nátıjesinde Muǵaljar aýdanyna qarasty «Embi-Jańajol» tas jolynda qara altyn tıelgen ári júkterge qujaty joq tórt munaı tasymaldaıtyn avtomashına qolǵa túsken.
«Aldyn ala boljam boıynsha, ustalǵandar janarmaıdy oblys ortalyǵyna aparyp satý maqsatynda munaı qubyryn tesý arqyly urlaǵan. Qazirgi ýakytta osy iske qatysy bar adamdardy anyqtaý maqsatynda keshendi jedel-izdestirý jáne tergeý sharalary júrgizilip jatyr. Sondaı-aq, birqatar sot saraptamalary taǵaıyndaldy», dedi Q.Jumanov.
