Qubyrdyń jarylýyna baılanysty Óskemenniń bir bóligi sýsyz qaldy

ÓSKEMEN. KAZINFORM – Óskemende Jibek mata kombınaty aýdanynda sý jelisinde bolǵan apatqa baılanysty sý berý toqtady.

Sýdyń berilmeı qalýyna jaıly mektep salynyp jatqan Ýálıev kóshesindegi dıametri 300 mm-lik qubyrdyń jarylýy sebep boldy.

Kommýnaldyq qyzmet ókilderiniń habarlaýynsha, apattyń saldarymen kúres jumystary tańǵy saǵat 08:00-den bastap júrgizilip jatyr. Apat bolǵan bólik óshirilip, arnaıy tehnıka shyǵarylyp, nasos stansasynyń jelisindegi qysymdy qalpyna keltirý jumystary júrgizilip jatyr.

«Óskemen-Vodokanal» MQK ókilderi sý berý jumystary kezeń-kezeńmen júrgiziletinin habarlady. Qazirgi tańda 19-20 aýdandardyń keıbir bóligine qazirdiń ózinde sý baryp tur.

Osyǵan deıin ShQO-da 2 myńnan astam adamdy kene shaqqany týraly habarladyq.