Qubyrdaǵy apat saldarynan Oraldyń bir bóligi sýsyz qaldy

ORAL. KAZINFORM – Oralǵa qarasty Zachagan kentinde sý qubyrynda apat boldy. 

«Batys sý arnasy» JShS-nyń baspasóz qyzmetinen málim etkenindeı, Ázerbaıjan kóshesi boıynda dıametri 400 mm sý qubyrynan aqaý shyqqan.

Soǵan Ázerbaıjan, T.Bıgeldınov kóshesi, «Balaýsa» shaǵynaýdany jáne Baıtaq kóshesi 2/2-mekenjaıyna búgin saǵat 12.00-den bastap salqyn sý berý toqtatyldy. Qalpyna keltirý jumystarynyń qashan aıaqtalatyny belgisiz.

Turǵyndardyń sózine qaraǵanda, Zachagan kentinde osyndaı jaǵdaı jıi bolady.

Eske sala keteıik, budan buryn Oralda «Aqjaıyq» shaǵynaýdanynyń turǵyndary sý aqysyn tóleı almaı otyrǵanyn jazǵan bolatynbyz.