Qubyrdaǵy aqaýǵa baılanysty «Bogatyr-Kómir» kásipornyna sý berý ýaqytsha toqtatyldy
«PAVLODAR. KAZINFORM – « Ekibastuz qalalyq sý arnasynan» shyǵatyn sý qubyry jolaı «Bogatyr-Kómir» AQ-nyń óndiristik nysandaryn basyp ótedi. Qazir aqaýǵa baılanysty kenishke sý berý kidirip tur.
Bul týraly Pavlodar oblysy ákiminiń baspasóz qyzmeti habarlady.
«Qubyrdaǵy aqaýdy jóndeý jumystaryna baılanysty «Bogatyr-Kómir» AQ-ny sýmen jabdyqtaý júıesindegi qysym da tómendep ketti. Qazir kásiporynǵa sý berý ýaqytsha toqtatyldy. Bul rette kómir óndirisi toqtaǵan joq, óıtkeni, oǵan sýdyń qajeti joq. Sharýashylyq qajettilikter úshin sýdy jetkizý uıymdastyrylýda», - dep habarlady oblys ákiminiń baspasóz qyzmetinen.
Atalmysh jeliler 1996 jyly salynǵan jáne búgingi tańda aıtarlyqtaı tozyǵy jetken. Sý qubyryn 2024 jyly rekonstrýktsııalaý josparlanǵan. Qazirgi kezde konkýrs ótkizilip, Almatyınjstroı» JShS merdiger uıym retinde tańdalǵan. Jumystardy kóktem-jaz kezeńinde bastaý uıǵarylyp otyr.
Eske sala keteıik, Ekibastuzdan Maıqaıyń kentine aýyzsý jetkizetin úlken qubyr jaryldy.
Maıqaıyń kentiniń turǵyndary kúnine 1 myń tekshe metr aýyzsý tutynyp kelgen. Qazir qysymnyń tómendeýine baılanysty «Maıqaıyńaltyn» AQ sý tasıtyn mashınalardy jumyldyrdy.
