Kýbanyń 2 myń turǵyny tegin ınternet paıdalanatyn boldy
ASTANA. QazAqparat - Gavananyń turǵyny 67 jastaǵy Margarıta Markez Jańa jyl qarsańynda erekshe syılyq aldy, onyń úıine tegin ınternet qosyldy. Bul úlken jetistik, óıtkeni Kýbada dúnıejúzilik jelige qosylǵandar sany óte az. Ómir boıy ýnıversıtette oqytýshy bolyp jumys istegen Markez hanym astananyń tarıhı ortalyǵyn ınternetke qosý boıynsha testilik baǵdarlamaǵa engen 2 myń qatysýshynyń biri boldy.
Kýbanyń 11,2 mln turǵynynyń 5 paıyzynda ǵana úıdegi ınternet bar. Ony qosý úshin kommýnıstik úkimetten ruqsat talap etiledi. Qalǵan turǵyndar Wi-Fi-dy paıdalana alady. Ony bir saǵat qoldanýǵa eldegi ortasha jalaqynyń bes paıyzy kóleminde aqy talap etiledi.
«Naýryzda ǵalamtorǵa aqysyn tóleýdi bastaımyz. Bul qolymyzdan kele me, bilmeımin. Eń bastysy, qys boıy tegin ınternet paıdalanatyn boldyq», - dedi ol Independent basylymyna bergen suhbatynda.
