Kýbanyń 15 dıplomaty AQSh-tan eline qaıtarylady
ASTANA. QazAqparat - AQSh Vashıngtondaǵy elshilikten Kýba eliniń 15 dıplomatyn elderine qaıtarý jóninde sheshim qabyldady. Bul týraly Memlekettik departamenttiń basshysy Reks Tıllersonnyń málimdemesinde aıtylǵan, dep habarlaıdy QazAqparat Anadoly agenttigine silteme jasap.
Tıllersonnyń sózinshe, mundaı sheshim Kýba bıliginiń amerıkalyq dıplomattardy óz elinde qorǵaı almaýyna qatysty qabyldanǵan. Atalmysh sheshim jóninde Kýba tarapy habardar etildi.
Málimdemege sáıkes, Vashıngton Kýbadaǵy óz dıplomattarynyń sanyn qysqartyp, barlyq qyzmetshiler otbasylarmen birge qaıta oraldy.
«AQSh Kýbamen dıplomatııalyq qarym-qatynasty ustanýdy jalǵastyrýda», - delingen qujatta.
Aıta keteıik, Kýbadaǵy amerıkalyq dıpmıssııanyń 22 qyzmetkeri qulaq ishindegi aýyrsyný, estý qabiletiniń joıylýy syndy sımptomdardy sezingen. AQSh memlekettik departamentiniń paıymynsha, Gavanadaǵy amerıkalyq elshiliktiń birqatar qyzmetkerine arnaıy qurylǵylardyń kómegimen akýstıkalyq shabýyl jasalǵan.
