Kýbanychbek Kojoev Jalpyreseılik qyrǵyz kongresiniń basshysy bolyp taǵaıyndaldy
MÁSKEÝ. 13 jeltoqsan. QazAqparat - Máskeýde jalpyreseılik qyrǵyz kongresiniń quryltaıy ótti.
Alqaly jıynǵa Reseıde turatyn 200-den astam qyrǵyz ultynyń ókilderi qatysty. Olardyń ishinde qyrǵyz dıasporasynyń aqsaqaldary men kóshbasshylary, Reseıdiń óńirlerinen birqatar qyrǵyz qoǵamdyq uıymdardyń basshylary bar. Sondaı-aq quryltaıǵa RF atqarýshy bılik organdarynyń ókilderi, Joǵarǵy Keneshtiń depýtattary, Máskeý qalasy ulttyq dıasporalarynyń kóshbasshylary qatysty.
Aıta keteıik, búgingi kúni Reseıde Qyrǵyzstannan shyqqan 800 myńǵa jýyq bosqyn turady. Olardyń 400 myńnan astamy reseı azamattary.
Qyrǵyzdyq uıymdar kúnnen-kúnge artyp kele jatqan mıgranttarǵa ıe bola almaı otyr. Sońǵy qyrǵyzstandyq kongress 6 jyl buryn ótken, biraq búgingi kúni turaqty jumys isteıtin jalpyreseılik qyrǵyzstandyq uıymdy qurý jaıy usynylýda.
Jalpyreseılik kongresti ótkizý boıynsha uıymdastyrý komıtetiniń tóraǵasy Kýbanychbek Kojoev atap ótkendeı, jańa uıym Reseıde eńbek mıgranttarynyń beıimdelýine, áleýetti qyrǵyz jastary úshin birlesken iskerlik jáne bilim berý jobalarynyń júzege asyrylýyna, jumyspen qamtýǵa jáne quqyqtyq qoldaýǵa, sporttyq jáne mádenıet sharalaryn ótkizýge qurýǵa septigin tıgizedi.
Aǵymdaǵy kongrestiń baǵdarlamasy ózekti máselelerge toly boldy. Kúnniń birinshi jartysynda qatysýshylar RF-da qyrǵyzdardyń tynys-tirshiligin talqylap, qazirgi máselelerdi sheshýdiń joldaryn aıqyndady. Kúnniń ekinshi jartysynda (tústen keıin) delegattar biraýyzdan jańa birlestiktiń - «Jalpyreseılik qyrǵyz kongresi» Jalpyreseılik qoǵamdyq uıymnyń qurylýyna daýys berip, uıymnyń ortalyq keńesi - basqarýshy organnyń múshelerin talqylady. Qabyldanǵan sheshimderge sáıkes, uıym basshylyǵyna uıymdastyrýshy komıtettiń jetekshisi Kýbanychbek Kojoev saılandy.
