Kýbanyń vıtse-prezıdenti Astanaǵa keldi
ASTANA. KAZINFORM – QR Saýda jáne ıntegratsııa mınıstri Arman Shaqqalıev Kýba vıtse-prezıdenti Salvador Valdes Mesany Astana halyqaralyq áýejaıynda qarsy aldy.
Meıman 28-29 mamyr kúnderi Astanada ótetin Eýrazııalyq ekonomıkalyq forýmǵa qatysatyn Kýba eliniń delegatsııasyn bastap keldi.
- Sizdi Memleket basshysy Qasym-Jomart Toqaevtyń atynan ystyq yqylaspen qarsy alýǵa qýanyshtymyn. Bıyl Qazaqstan Eýrazııalyq ekonomıkalyq odaq organdaryna tóraǵalyq etedi. Forým dástúrli túrde saýda-ekonomıkalyq yntymaqtastyqty tereńdetý men kúsheıtýge baǵyttalǵan. Sonymen qosa negizgi basymdyq jasandy ıntellektke berilip otyr, - dedi Arman Shaqqalıev.
Óz sózinde Kýba Vıtse-prezıdenti mańyzdy is-sharaǵa shaqyrtýdy qýana qabyl alǵanyn jetkizdi.
EAEO 2020 jyly Kýbaǵa baqylaýshy el statýsyn berdi.
Aıta keteıik, BUU Kýbaǵa munaı jetkizý týraly kelissózder júrgizip jatyr.
