Kýbanyń ulttyq energetıkalyq júıesi bir apta ishinde ekinshi ret isten shyqty
ASTANA. KAZINFORM — Kýbanyń ulttyq elektr energetıkasy júıesi bir apta ishinde ekinshi ret tolyq isten shyqty. Bul týraly Karıb respýblıkasynyń Energetıka jáne taý-ken ónerkásibi mınıstrligi habarlady, dep jazady BelTA.
«Elektr energetıkasy júıesi tolyq ajyratyldy. Qazirgi ýaqytta ony qalpyna keltirý hattamalary iske qosyldy», delingen mınıstrliktiń X áleýmettik jelisinde jarııalaǵan habarlamasynda.
Kýbanyń ulttyq elektr energetıkasy júıesi 6 shildede de isten shyqqan bolatyn. Sodan beri el aýmaǵynyń basym bóliginde elektr energııasyn berý is júzinde toqtap tur.
Aıta keteıik, Apat AQSh ákimshiliginiń Gavana bıligine ekonomıkalyq jáne saıası qysymdy kúsheıtýi aıasynda boldy.
